Donate here: Paypal or here. 🧡🌸
#MatalinghagaBooks
Hakbang
Isusulat ng kasaysayan
Ang bawat hakbang na pinagdaanan
Silang mga abogado ng bayan
Patungo sa labanan
Kung saan ang ipinaglalaban
Ay kalayaan
Kalayaang magsalita
Kalayaang lumaban
Sa mapanikil na kapangyarihan
Dumarating na naman
Ang pambubusal
Ang pagpipilit na patahimikin
Ang mga boses na lumalaban
Sa mapang-abusong kapangyarihan
Subalit mas malakas
ang kalaban
mas makapangyarihan
Pagkat batas na miso
ang nagbababala
ang nambubusal
Ngayon,
kamalayan ng tao
ang kalaban
ang sambayanan
natututo na namang
tumanggap ng kahit ano na lang
Bulag sa itinatagong
pangil
kamandag
ng batas na nagbabantang
lumipol
sumikil
sa kalayaan
Tikom ang bibig
Buo ang suporta
sa batas na sisita
pipigil
gagapos
sa kalayaan
Tiwala na ang batas na ito
Ay magagamit lamang sa ibang tao
At hindi sa kanila mismo
Sana nga ay totoo
Ang naiisip nilang ito
Sapagkat sa kanilang suporta
Nabubuhay ang diktadura
Napagdaanan na ito
ng kasaysayan
Nakitlan na tayo noon
ng kalayaan
Subalit tila hindi pa rin
natututo
ang mga tao
Sapagkat ang kasaysayan
ay nauulit na naman
At sa gitna ng labang ito
Naririto
Naglalakad
ang mga abogadong ito
Patungo sa labanang
hindi tiyak ang panalo
Subalit susubok
na labanan
ang unti-unting pagbusal
sa kalayaan
Harinawa'y magtagumpay sila
Para sa bayan
Para sa ordinaryong
mga mamamayan
#JunkTerrorLaw
(c) Pebrero 2, 2021, Herbel Santiago
Like what you read? You can support & donate through Paypal or here. 🧡🌸