Donate here: Paypal or here. 🧡🌸
#MatalinghagaBooks
Wika
Bahagi ng pagkatao
Kabiyak ng puso ko
Ang tatak ng diyalekto
Na nagpapatakbo ng mundo
Nasa dugo ko ang alamat ng mga lahing bayani
Nasa wika ko ang sining at panitikan na hinabi
Nasa puso ko ang alab at tatlong bituin palagi
Aking wika ay mahalaga
Aking ninuno ito'y inaruga
Sa puso'y aking itinala
Ang wikang pamana
Pagkat ako ang mitolohiya na gawa ni Bathala
Mula sa liwanag ng tala, tubig, alabok at lupa
Kayumanggi ang balat ko na ilalathala
Kahit saanmang sulok ng mundo ay dinadakila
Bagamat hindi perpekto
Hindi ko ikahihiya na Pilipino ako
Ang wikang gamit ko
Gagamitin ng taas-noo
Wikang Filipino
Itatanyag ko ng buo
Saanmang panig,
saanmang dako
Kailanman hindi ko
ikahihiya ito
Herbel Santiago, David Salvador Albisse, Marisse Bias Calicdan, Dein Spokes at Axel Buella
(c) 2021
Like what you read? You can support & donate through Paypal or here. 🧡🌸